Starfsafl
Starfsmennt Samtaka
atvinnulífsins og
Flóabandalagsins
Sætún 1
sími: 510 7544
fax: 510 7549
starfsafl@starfsafl.is
1912 samstæðan fær fræðslustjóra að láni
1912 samstæðan, Starfsafl og Starfsmenntasjóður verslunar- og skrifstofufólks (SVS) hafa gengið frá samkomulagi um um lán á fræðslustjóra til fyrirtækisins. Samningurinn nær til um 70 starfsmanna samstæðunnar (1912 ehf, Nathan og Olsen hf, Ekran ehf) þar af eru um 50 í aðildarfélögum sjóðanna.
Samstæðan byggir á traustum grunni eða allt frá árinu 1912 eins og nafnið gefur til kynna. Í dag ræður samstæðan yfir mörgum af sterkustu vörumerkjum heims, sem eru einnig fremst í flokki hér á landi. Markmið samstæðunnar hefur ávallt verið að tengja framleiðendur og neytendur saman á sem hagkvæmasta hátt. Hjá 1912 starfa um 70 starfsmenn og er samstæðan með starfstöðvar í Reykjavík og á Akureyri.
Fræðslustjóri að láni er heiti verkefnis sem Starfsafl hefur boðið fyrirtækjum síðan í lok árs 2008. Fræðslustjórinn er venjulega sjálfstæður mannauðsráðgjafi sem fer í boði fræðslusjóðanna inn í fyrirtæki í tiltekinn tíma og aðstoðar þau við greiningu á þörfum fyrir fræðslu, lyftir upp þeirri fræðslu sem þegar er í fyrirtækinu og bendir á leiðir til auka fræðslu í framhaldi af greiningunni. Þessi símenntunaráætlun er síðan grunnur að fræðslustarfi viðkomandi fyrirtækis í lengri eða skemmri tíma. Verkefnið hefur mælst vel fyrir meðal fyrirtækja og starfsmanna þeirra.
