Starfsafl er verkefnisstjóri í ESB verkefninu T-Planner (Training Planner) for SMEs eða Fræðslustjóri fyrir smáfyrirtæki.  Fyrsti fundur verkefnisins var haldinn nú í lok október og á dagskránni voru heimsóknir í fyrirtæki sem hafa fengið fræðslustjóra að láni fyrir fulltingi Starfsafls.  Fyrirtækin sem voru heimsótt voru Reykjavik Excursions/Kynnisferðir ehf og Hreint ehf. 

Starfsafl undirritaði í dag samning um styrk frá ESB í Leonardo menntaáætluninni vegna útflutnings á verkefninu "Fræðslustjóri að láni".  Verkefnið er til tveggja ára og snýst um að flytja út hugmyndafræði "Fræðslustjóra að láni" til Austurríkis og Spánar.  Styrkurinn nemur um 194.000 evrum (31,2 mkr) og þar af eru 53.500 evrur (ca 8,6 mkr) eyrnamerktar Starfsafli, sem er verkefnisstjóri.

Starfsafl undirritaði nýlega samstarfssamning við Hreint ehf. um styrki vegna eigin fræðslu fyrirtækisins.

Starfsafl, Landsmennt og Starfsmenntasjóður verslunar og skrifstofufólks (SVS) gengu nýlega frá samningi um flutning réttinda félagsmanna milli fræðslusjóðanna.  Reglurnar eru einfaldari og er ætlað að tryggja sanngjarnan flutning réttinda.

Starfsafl hlaut nýverið styrk frá mannaskiptaáætlun Leonardo menntaáætlunar ESB.  Styrkurinn verður notaður til að senda 10 einstaklinga, Eflingarfélaga, frá 4 fyrirtækjum þ.e. Eflingu stéttarfélagi (sem sendir atvinnuleitendur), ISAVIA, Kjörís og Skeljungi, til vinnustaða á Norðurlöndunum í vikuþjálfun.  Styrkurinn er að upphæð 2,6 m.kr. og er notaður til að kosta ferðir og uppihald starfsmanna eða atvinnuleitenda.  Ferðir sem þessar hafa áður verið styrktar af Leonardo áætluninni og hafa tekist afskaplega vel og skilað miklum árangri.

OLÍS, Olíuverzlun Íslands, gerði nýverið samning við Starfsafl og fleiri starfsmenntasjóði í verkefninu „Fræðslustjóri að láni“.  Samningurinn nær til tæplega 500 starfsmanna OLÍS þar af eru um 150 starfsmenn í Eflingu og VSFK.

Starfsafl og Landsmennt fögnuðu 10 ára afmæli í gær með stuttri og velsóttri afmælisráðstefnu á Hótel Sögu.  Ráðstefnan tókst vel og var gerður góður rómur að erindum framsögumanna.  Um eitt hundrað gestir sóttu ráðstefnuna.

Starfsafl veitti alls 2.009 styrki til félagsmanna Eflingar stéttarfélags, Verkalýðsfélagsins Hlífar og Verkalýðs- og sjómannafélags Keflavíkur og nágrennis (VSFK) á árinu 2010.  Heildarkostnaður við þessa styrki var tæpar 61 milljón kr.  Einstaklingar frá 61 þjóðlandi fengu styrk og var kynjahlutfall styrkþega hnífjafnt, 50% fyrir hvort kyn. 

Í tilefni af 10 ára starfsafmælis Landsmenntar og Starfsafls bjóða sjóðirnir upp á ráðstefnu á Hótel Sögu 17. mars nk. kl. 14:00-17:00.  Ráðstefnan ber heitið "Hvar vorum við? Hvert stefnum við?" og er öllum opin gegn skráningu á starfsafl@starfsafl.is

Stjórn og starfsmenn Starfsafls hemsóttu Farfuglaheimilið í Laugardal á dögunum og kynnti sér áherslur fyrirtækisins í gæða- og símenntunarmálum. Sigríður Ólafsdóttir, rekstrarstjóri, tók á móti og fór yfir gæða- og símenntunarstefnu fyrirtækisins sem er í sífelldri þróun.